Dili muminos 24 ka mga tawo ang patay samtang 47 ang nakahiagom og samad samtang nagprotesta ang mga sibilya sa nasud nga Myanmar sa dihang gitagakan kini og duha ka bomba pinaagu sa usa ka motorized paraglider niadtong Lunes sa gabii, Oktubre 6, 2025.
Ang pag-atake kay nahitabo sa Chaung U township, Sagaing region sa Myanmar diin gatusan ka mga sibilyan sa unta ilang pagtimaan lang sa nasudnong holiday ug pagtingog isip opposisyon sa military junta government.
Ang Sagaing region na usa ka major battleground sukad niadtong 2021 coup diin mipakaog sa elected government ni Aung San Suu Kyi nga nakapa-aghat sa halapad nga armed resistance
Ang mga volunteer militias nga nailhan nga People’s Defense Force (PDF) diin sukad nga nagkontrolar sa dagkong bahin sa rehiyon ug nagtukod og mga lokal nga administrasyon nga supak sa pagmando sa militar.
Sumala pa sa mga taho nga giplano na ang maong pagpangataki nga nagtinguha sa pagtapos sa protesta sa mas sayong panahon.
Gibana-banang milungtad lang sa pito ka minutos ang maong panghitabo diin mikalas kini sa kinabuhi sa pipila.
Sumala sa Amnesty International Niadtong Martes, Oktubre 7 nga ang aksyon sa military junta sa paggamit og motorized paragliders kay usa ka makalilisang nga panghitabo.
Gisugyot na sa pipila ang pagtawag sa atensyon sa Association of Southeast Asian Nations (ASEAN) sa pag-convene aron i-pressure ang military junta sa pag-usab sa ilang batasan sa pagdumala sa ilang mga lungsuranon sa kapin na lima ka tuig.
