CENTRAL VISAYAS- Gideklara nga drug free sa Philippine Drug Enforcement Agency (PDEA-7) ang anaa sa 26 ka barangay sa Central Visayas kini basi sa Regional Oversight Committee on Barangay Drug Clearing (ROCBDC) gahapon May 22, 2025.
Kini ang gibutyag sa tigpamaba sa PDEA 7 nga si Lea Alcantara diin atol sa deliberation sa mao mga buhatan inubanan sa PNP ug LGU ilang natino nga 26 ka mga barangay ang gideklarang drug free sa PDEA.
Sa naasoy nga ihap, 13 sa mga barangay gikan sa Cebu Province, 6 gikan sa Bohol, 5 gikan sa Cebu City, ug 2 sa Mandaue.
Samtang ang mga barangay sa mga Highly Urbanized City sama sa Cebu city, gitino sa PDEA nga ang mga barangay nga “drug free” mao ang Bonbon, Bulacao, Pardo, Pahina San Nicolas ug T. Padilla.
Aduna usab duha ka mga barangay sa Mandaue ang nasulod sa drug cleared sama sa Cabancalan ug Maguikay.
Gipasabot ni Alcantara, nga dili tagaan ug ginbug-aton kung ang usa ka barangay daghan ug mga durugista,inay ang importante nilang tan-awon mao ang walay pakyas nga monitoring sa BADAC apil na ang kanunay nga pag update sa mga lista ngadto sa mao nga buhatan.
Ang mao nga tinguha kay nasugod sa 2008 ug mas gipahingusgan pa kini para mas madasig pa ang mga barangay, aron ang mga opisyales ug ang kumunidad manginlabot alang sa pagsugpo sa illegal nga drugs.
