Cebu City-Mukabat sa 26 ka mga sakayang pandagat ang wala gitugutan nga makalawig gumikan sa storm signal nga giisa sa probinsya sa Cebu, Bohol, Southern Leyte ug Squijor.
Base sa datus nga natala sa Philippine Coastguard, mukabat ngadto sa 26 ka mga sea vessel ang wala gipalarga ug kapin 400 ka mga stranded nga pasaherosa tibuok probinsya sa Sugbo.
Ang uban nga mga pasahero ang namauli na lamang ug nag pa refund dsa ilang mga ticket apan ang uban nagpaabot gihapon sa mga pier kung kanus-a mu resume ang byahe.
Nasayran nga sukad pa ganihang alas-singko sa kaadlawon sa dihang wala na tuguti sa coastguard nga makalawig ang mga sakayang pandagat paingon sa mga lugar nga dunay storm signal gumikan ni Bagyong Basyang.
Mipahimangno usab ang PCG sa mga nanag-iya ug pumpboat ug mga mangingisda nga mutuman lamang sa mga abiso aron sa ilang kaluwasan.
