Midunggo sa pantalan sa Sugbo ang tulo ka mga bag-ong mga barko sa Hukbong Pandagat (PH Navy) sa Pier 5, Cebu International Port kagahapong adlawa sa Martes, Agosto 19, 2025.
Ang tulo ka mga commissioned vessel sa PH Navy kay miabot sa Sugbo aron sa ilang pagpahigayon og aktibidad sa kadagatan aron sa pag-assess sa operational readiness ug capabilities sa mga naval assets sa nasud.
Sumala pa ni Commodore Joselito E. De Guzaman, ang Commander sa Naval Forces Central nga pinaagi sa Philippine Fleet mupahigayun og Operational Readiness and Capability Test (ORACT) aron masiguro ang kaandam, og kahanas kung adunay gubat, og matuman ang Philippine Navy Standards.
Ang maong mga barko kay mao ang BRP Miguel Malvar (FFG06), BRP Tomas Campo (PG908), ug BRP Albert Majini (PG909) diin gisugat kini sa mga sakop sa Naval Forces Central, mga opisyales sa lokal nga panggamhanam ug uban pa.
Atol sa maong seremonyas, ang mga bisita kay mipartisipar sa shipboard tour diin gilibot niini ang mga barko sa PH Navy sa ilang mga gimbuhaton ug kapabilidad.
Ang ship tour sa tulo ka barko nga abli sa publiko kay molungtad sa adlawng Biyernes, Agosto 22.
