Malampusong nasubasta sa Bureau of Customs (BOC) niadtong Huwebes, Nobyembre 20 ang tulo sa pito ka mga luxury vehicles gikan sa magtiayong Curlee ug Sarah Discaya.
Nakakolekta ang BOC sa P38.2-milyones gikan sa maong subasta diin idiretso kini ang kwarta sa Bureau of Treasury.
Sayo niadtong adlawa, pito ka mga luxury vehicles sa magtiayon ang gi-livestream auction sa BOC sa ilang official social media account aron mapanumbalik ang kwarta sa gobyerno nga giingong gikawat pinaag sa kurapsyon sa proyekto sa flood control.
Subay sa imbestigasyon nga ang mga luxury vehicles kay pakyas makatuman sa import law sa nasud human sa pipila ka mga dokumento niini kay gi-proseso sa Port of Davao apan ang mga units kay midunggo sa Batangas Port.
Matod pa ni Customs Deputy Chief of Staff Chris Bendijo nga ang mga maluhong mga sakyanan kay nagbalor matag usa sa P5-milyones ngadto sa P45-milyones.
Sa maong subasta, dili muminos sa 5 ang nagparehistro ang mamasin nga mapalit kini.
Sa kinatibuk-an, ang BOC nakahipos og 13 ka mga luxury vehicles sa pamilyang Discaya, minos kaysa sa 28 nga gitug-an ni Sarah niadtong nagpahigayon og pagdungog ang Senate Blue Ribbon Committee kabahin sa makalilisang ug makamatay nga kurapsyon sa proyekto sa flood control.
