Gikumpirmar nga patay ang tulo ka mga seaman sa India, nga unang gitaho nga nawala human ang militar sa US naglunsad og airstrike sa Gulf of Oman.
Ang oil tanker nga MT Settebello nga may bandila sa Palau ang gitarget sa pag-atake niadtong Miyerkules.
Sumala sa US military, ang barko giatake tungod kay wala kini motuman sa mga direktiba gikan sa mga pwersa sa Amerika, tungod usab sa mga pagduda nga kini nagdala og lana gikan sa Iran.
Basi sa taho nga adunay kinatibuk-ang 24 ka mga tripulanteng India ang sakay sa oil tanker sa dihang nahitabo ang insidente, diin 21 ang luwas nga naluwas.
Gitawag ni Indian Shipping Minister Sarbananda Sonowal ang trahedya nga “deeply unfortunate.” Busa, gipasalig usab niya nga ang mga kahikayan gihimo karon alang sa pagpauli o pagbalik sa mga patayng lawas sa tulo ka namatay nga mga lungsuranon sa India.
