Midonar sa dili muminos 300 ka mga bag-ong plastic armchairs si Cebu Provincial Vice Governor Glenn Anthony Soco ngadto sa Mandaue City College niadtong adlaw sa Martes, Agosto 26, 2025.
Ang nahimong turnover ceremony kay gitambongan nilang Mandaue City Mayor Thadeo Jovito “Jonkie” Ouano, Mandaue City Board Members Olin Seno ug Malcolm Sanchez ug uban pang opisyales sa dakbayan sa Mandaue.
Sumala pa nga na-procure ang maong mga armchairs atol sa termino ni Soco niadtong Board Member pa kini sa Cebu 6th District sa wala pa nahimong Bise Gobernador sa lalawigan.
Nalangan lang kini og tunol tungod sa election ban niadtong sayong bahin ning tuiga.
Gani sa iyang bahin, si Mayor Ouano mipahayag sa iyang pasalamat sa Bise Gobernador sa pag-alibyo sa maong tunghaan sa kakuwang niini og lawak.
