32-anyos nga nurse nga gikatahong nawala sulod sa pipila ka adlaw, napalgang gilubong sa kaugaling nataran

CEBU – Usa ka 32-anyos nga nurse nga nawala sulod sa pipila ka adlaw ang napalgang gilubong sa iyang kaugalingong nataran sa Valencia, Negros Oriental.

Giila ang biktima nga si Maribel Glazier kinsa gikatahong nawala sukad niadtong Hulyo 16.

Napalgan ang lawas niini human misumbong ang mga silingan sa mga otoridad sa kabaho sa maong dapit.

Nasayran nga ang mga higala sa biktima ang nipahibawo sa mga imbestigador nga iyang gihangyo nga dad-on ang iyang duha ka anak nga babaye kon dunay mahitabo kaniya sanglit nag-away kini sa iyang bana nga si Daniel Lawrence Glazier, nga usa ka langyaw.

Si Glazier, kansang nahimutangan wala mailhi, gikonsiderar karon nga person of interest sa krimen.