33 ka tawo, gidakop sa George Washington University

Gikatahong anaa sa 33 ka mga tawo ang gidakop sa kapulisan sa George Washington University tungod sa pagpahigayon sa rally.

Kini nga lakang sa Washington DC Metro Police mao ang paglimpyo sa mga pro-Palestinian nga nagprotesta sa mga kampus.

Matod pa nga ang mga nadakpan tungod giingong misukol kini sa mga sakop sa kapulisan ug ingon man nga nahimong bayolente ang pagsulod sa unibersidad.

Dugang pa nga sukad niadtong Abril 25, nagtukod na og tent ang mga tinun-an sulod sa campus.

Kahinumduman nga sukad usab niadtong buwan sa Abril, miulbo ang pro-Palestinian rally sa dul-an 140 ka kolehiyo sa US.