Gipahibalo sa Malacañang nga upat ka kompanya sa Japan ang nagplano nga mamuhunan og gibanabanang P56.3 bilyon sa Pilipinas, nga gilauman nga makamugna og kapin sa 10,000 ka trabaho.
Sumala sa Presidential Communications Office, nakuha ni Presidente Ferdinand Marcos Jr. ang potensyal nga mga pamuhunan sa managlahing mga meeting uban sa mga kompanya atol sa iyang pagbisita sa estado sa Japan.
Diin ang mga proyekto naglakip sa pagpalapad sa paghimo og barko, advanced electronics manufacturing, semiconductor production, mga teknolohiya sa artificial intelligence, ug mga industriya sa green maritime.
Gipaambit usab sa Presidente, ang duha ka nasud magpadayon sa pagpalig-on sa ilang kooperasyon alang sa mas lig-on nga relasyon ug usa ka mas hayag nga kaugmaon alang sa rehiyon.
Samtang, gipahibalo nila ni Pres. Marcos ug Japanese Prime Minister Sanae Takaichi ang pagsugod sa mga negosasyon alang sa General Security of Military Information Agreement, ingon man alang sa pagtakda sa mga utlanan sa kadagatan.
Kini mga importanteng lakang aron mapalig-on pa ang kooperasyon sa depensa ug aron mapadayon ang usa ka han-ay sa kadagatan nga gibase sa mga lagda.
Gilauman usab nga kini magpalig-on sa pagsalig sa usa’g usa tali sa duha ka nasud.
