Gipamusil ang 4 ka mga wala pa mailhing indibidwal sa kabay-bayonan sa Mahayahay 1, sa Barangay Suba, kagahapong adlawa Dominggo.
Base sa inisyal nga impormasyon, nga puros mga dayu ang maong mga biktima ug gikataho nga padulong na unta ni mo dunggo sa may Barangay Ermita, gamit ang motorbangka apan matud sa mga nakasaksi nga kalit lang sila gipabuthan sa wala usab mailhi nga mga suspitsado.
Naka-amgo og samad pinusilan ang 3 ka mga sakay niini ug ang usa niini maoy naningkamot sa pagbugsay palayo sa mga suspitsado.
Matud sa nakasaksi ug mitabang og luwas sa mga biktima nga si Joy Amacna, nakit-an nalang niini ang mg a biktima nga samdan ug iya kining gilanguy aron dad-on daplin.
Dugang usab ni Amacna, nga daan na niining nakita nga patay na ang makinesta nga matud pa niini nakaamgo ug daghang mga samad pinusilan.
Matud usab niini nga posibleng nawala ang usa nila ka kauban gumikan kay nakaamgo usab samad pinusilan hinungdan nga matud pa naunlod kini ilawom sa kadagatan.
Dali usab nga girespondehan sa mga awturidad ang mga biktima og gidala sa pinakaduol nga tambalanan.
Sa pikas bahin padayun usab ang pag-imbestigar sa mga kapulisan sa maong insedente.
