CEBU CITY-Nasuta ni Thelma Chiong ang inahan ni Maryjoy ug Jacqueline Chiong kinsang girape ug gipatay sa 7 ka mga akusado nga dili lang 3 niini ang nakagawas pinaagi sa GCTA apan 4 diay.
Matud ni Chiong nga duna siyay nadawat nga impormasyon nga lakip sa 3 nga nakagawas, nakagawas usab si James Anthony alyas ‘Em-Em’ Uy ug mao kini karon ang iyang gipanghinaot nga musurrender kauban ni Jozman Aznar nga hangtud karon wala pa mi-surrender.
Apan gipahibaw ni Mrs. Chiong nga nalipay siya og dako nga mi-surrender ang duha sa nakagawas nga sila si Albert Caño ug Ariel Balansag.
Bisan paman tood niini, ug ingon man sa iyang nadawat nga taho nga dili musurrender si Aznar, iya nalang kining gi-ampo.
Nanghinaot usab si Chiong nga sulod sa kapin taas nga katuigang milabay, dili na maghimo pa og dautan ang mga convicted killers sa iyang anak ug magbinut-an nalang.
Nanawagan na usab kini sa mga katawhan nga dili na malooy kaniya tungod kay nalipay na siya nga mi-surrender ang duha ug salig usab siya sa gobyerno nga tabangan siya.
