40 million pesos worth of shabu nasakmit sa Cebu PNP sa usa ka joint operation

Cebu City- Muabot sa 40 million pesos nga kantidad sa shabu ang nasakmit sa San Nicolas Police Station ug Pardo Police Station sa gipahigayong joint operation sa Bontores St. Barangay San Nicolas dakbayan sa sugbo.

Nasikop ang subject nga giilang si Benjie Bacalla, hingkud ang panuigon ug walay trabaho.

Atol sa operasyon positibo nga napalitan sa poseur buyer ang subject og shabu nga nagkantidad og kapin 100,000 pesos. Apan sa nasakmit usab nga travelling bag sa subject nadiskubrehan ang dagkong pakete sa shabu nga dunay gibug-aton nga 6 kilos nga mukabat sa 40,800,000 pesos.

Nag-atubang karon og kasong kalapasan sa Section 5 ug 11 sa Repulic Act 9165 ang subject.