Naugdaw ang dul-an sa 5 ka panimalay sa sunog nga miigo sa Mabolo Compound, Sitio Abra, barangay. Alang Alang sa Mandaue City pasado alas 7 sa gabie gahapon Hunyo 14.
Nadawat sa kabumberohan sa Mandaue City Fire Office ang alarma pasado alas 7:15 sa gabie diin dali gisaka kini sa 1st alarm pasado alas 7:17. Milanat ug halos 30 minutos ang pakigkumbati sa mga kabumberohan sa maong sunog hangtod sa nakontrol kini nila pasado alas 7:51. Hingpit kini na fire out pasado alas 8:20 sa gabie
Base sa inisyal nga imbestigasyon sa Bureau of Fire Protection Mandaue, ang sunog giingong nasugod sa panimalay ni Claudia Perez, 68 anyos diin iya nalang nabantayan nga adunay nagpaka paka sa kisame sa iyang panimalay. Padayon pang gisubay sa kabumberohan ang posibilidad nga faulty electrical wiring maoy hinungdan sa maong sunog
Sa exclusibong pakighinabi s Bombo Radyo Cebu newsteam ngadto kang FO2 Mark Anthony Yagonia, Fire investigator sa BFP Mandaue, nahimong hagit sa kabumberohan ang kahagip-ot sa lugar ug ang kalisod sa pagpenetrate sa mga bumbero sa fire scene tungod sa mga obstruction sama sa mga nagparking nga motor ug nga gamit sa mga nievacuate nga mga residente.
Mipahimangno si Yagonia sa katawhan nga mas maayong icheck ang mga linya sa kuryente sa mga panimalay aron di kini makamugna ug sunog.
Sapagkakaron, padayon pa ang imbestigasyon sa Mandaue City Fire Offce sa maong sunog diin gisuta pa ang kinatibuk-ang danyos sa maong sunog samtang giandam pa sa lokal nga kagamhanan sa Brgy. Alang Alang ug sa Bantay Mandaue City Disaster Risk Reduction and Management Office ang evacuation site alang sa mga apektadong residente.
