Patay ang lima ka tawo sa sunod-sunod nga mga air strike ug drone attack sa Israel sa Southern Lebanon niadtong Sabado, Hunyo 20, pipila lang ka oras human gipatuman ang ceasefire tali sa Israel ug sa grupong Hezbollah.
Sumala sa Lebanese state media, ang mga Israeli warplanes sa Israel naglunsad og mga pag-atake sa lugar sa Nabatieh sa tibuok gabii hangtod sa Sabado sa buntag.
Diin ang mga pagpamomba nakadaot sa daghang mga residential building ug mga balay. Nagpabuto usab ang Israel og artillery fire sa Nabatieh ug sa mga kasikbit nga lugar niini.
Kahinumduman niadtong Biyernes, ang Israel ug Hezbollah miuyon sa usa ka ceasefire human sa grabe nga panag-away sa Lebanon. Usa ka senior nga opisyal sa Israel ug duha ka tinubdan sa Hezbollah ang nagpamatuod sa kasabutan.
