Giandam na ang dugang kaso nga ipasaka kalabot sa anomaliya sa flood control projects.
Kini ang gipaambit ni Ombudsman Jesus Crispin Remulla nga adunay lima ngadto sa unom pa ka mga kaso nga gikatakdang ipasaka sulod sa duha ka semana.
Ingon man nga wala na mihatag og dugang detalye ang Ombudsman bahin niini.
Gikumpirmar usab sa Ombudsman nga ang kanhi House Speaker Martin Romualdez mao ang magbabalaod nga gi-isyuhan og freeze order.
Gitaho usab niadtong Biyernes sa Anti-Money Laundering Council (AMLC) nga nakakuha kini ug freeze order gikan sa Court of Appeals (CA) sa mga kabtangan sa usa ka wala nganli nga magbabalaod nga giingong nalambigit sa iskandalo sa flood control projects.
Ang freeze order sa korte naglangkob sa 25 ka bank accounts sa magbabalaod ug 10 ka insurance policies nga narehistro ubos sa iyang ngalan.
Ang freeze order kabahin sa nagpadayon nga imbestigasyon sa mga nalambigit sa anomaliya nga mga proyekto sa pagkontrol sa baha sa gobyerno.
Samtang, gipahibalo usab sa Ombudsman nga ang kasamtangang kaso gipailalom sa pasiunang imbestigasyon ug gisunod ang hustong proseso tungod kay ang ilang kontra gikan sa gobyerno nga adunay daghang kwarta ug gahum.
