Nagpahigayon karon og imbestigasyon ang Office of the Ombudsman sa giingong binilyon ka pesos nga peke nga “Free Wi-Fi” projects sa nasudnong kagamhanan.
Matod ni Assistant Ombudsman Mico Clavano, nalingla ang publiko tungod kay bisan og na-install na ang mga hardware sama sa routers, wala kini magsilbi o walay epektibong internet service nga gihatag sa mga lumulupyo.
Nakatutok ang ilang pagsusi sa sayop nga software ug sa giingong “ghost internet scheme” diin naningil gihapon og bug-os ang mga kontraktor bisan karaan ug peke ang sistema.
Bisan pa nga nagdumili sa paghatag og dugang detalye samtang nagpadayon ang imbestigasyon, gikumpirma sa ahensya nga naglangkob kini sa tibuok nasud.
Gitutukan karon sa imbestigasyon ang Department of Information and Communications Technology (DICT), apan nipagawas na og pamahayag ang ahensya nga bukas sila sa maong pagsusi ug hugot nga mosuporta batok sa bisan unsang matang sa kurapsyon.
