Nagduda ang Ombudsman sa pangangkon ni Sen. Loren Legarda nga aduna kini “serious illness” taliwala sa iyang gipalugway nga medical leave sa gawas sa nasud samtang nag-atubang siya sa nagpadayon nga imbestigasyon bahin sa giingong mga anomaliya nga naglambigit sa mga solar projects.
Gikabutyag ni Assistant Ombudsman Mico Clavano kagahapon, Biyernes, Agosto 28,
nga ang graft-busting body mas gusto unta nga si Legarda mangayo og usa ka medical leave kung siya tinuod nga nag-antos sa usa ka grabe nga sakit, kaysa balik-balik nga palugwayan ang iyang pagpuyo sa gawas sa nasud.
“Kung talagang meron siyang serious illness, sana isa lang po yung hiningin niya na medical leave, hindi yung pa-extend-extend,”ingon ni Clavano.
Miingon siya nga gi-fracture sa Ombudsman ang pagbiyahe ni Legarda tungod kay ang iyang awtoridad sa pagbiya sa nasud nagpakita na og usa ka specific nga panahon, apan gisundan sa daghang mga extension.
Miingon usab si Clavano nga ang kamatuoran nga si Legarda ug ang iyang anak nga lalaki parehong wala sa nasud nagdugang sa pagduda sa ahensya.
“And the fact that both mother and son are out of the country adds to the speculation or adds to the suspicion of the Office of the Ombudsman,” ingon niya.
Matod niya nga gipasaka sa ahensya ang isyu tungod kay ang mga kaso nga giimbestigahan makaapekto sa publiko.
“A lot of the allocations for solar power was given to this company and yet hindi nila nagawa. So ngayon nararamdaman po ng taong-bayan yung hirap at yung pagtaas ng presyo ng kuryente,” ingon ni Clavano.
“Sana po ay manatili muna kayo dito sa bansa para po medyo maliwanagan po tayo doon sa nangyari at maliwanagan din ang taong bayan sa katotohanan,” dugang niya.
Sa sayo pa, si Clavano miingon nga ang Ombudsman nakakuha og travel authority nga nagpakita nga ang anak ni Legarda, si Batangas 1st District Rep. Leandro Leviste, nangayo usab og duha ka bulan nga bakasyon gikan Hulyo 26 hangtod Septyembre 24.
Diin, gisalikway usab ni Legarda nga hingpit nga bakak ug walay basehan ang mga pasangil nga naglambigit kaniya sa usa ka giingong solar contract scheme nga naglambigit sa iyang anak.
Ingun man nga gihimakak usab ni Leviste nga nakaginansya siya gikan sa pagbaligya sa usa ka congressional franchise para sa Solar Para sa Bayan Corporation, nga gikataho nga iyang gipanag-iya.
