Gikatakdang mopresentar ang prosekusyon og hangtod sa 98 ka mga saksi batok kang kanhi House Speaker Martin Romualdez.
Kini may kalabotan sa kasong plunder nga iyang giatubang sa Sandiganbayan, nga orihinal nga gipasaka sa Office of the Ombudsman.
Ang ig-agaw sa presidente kasamtangang natanggong sa New QC Jail sa Payatas, apan nagplano ang iyang kampo nga mopasaka og petisyon alang sa bail karong Lunes, Septiyembre 28.
Tumong sa kampo sa kanhi House leader nga makakuha og provisional release o temporaryong kagawasan gikan sa detensyon, bisan pa sa naunang pahayag sa prosekusyon nga lig-on ang ebidensya sa pagkasala batok sa magbabalaod.
Alang sa petisyon sa pyansa, nagplano ang prosekusyon nga mopresentar og hangtod sa 23 ka mga saksi.
Sa bahin ni Romualdez, nagplano sila nga mopresentar og hangtod sa 40 ka mga saksi alang sa kinatibuk-ang dagan sa iyang kasong plunder.
Ang hearing alang sa pyansa sa kanhi House leader gikatakdang ipahigayon gikan sa Oktubre 12, 2026, hangtod sa Nobyembre 12, 2026, diin ang mga husay ipahigayon sa alas 8:30 sa buntag ug alas 1:30 sa hapon matag Lunes, Martes, ug Huwebes.
