Nagpasaka og petition for bail ang kampo ni kanhi House Speaker Martin Romualdez sa Sandiganbayan niadtong Lunes, Septiyembre 28.
Sumala sa mga taho, ang petisyon gipasaka may kalabotan sa kasong plunder nga iyang giatubang, nga naglambigit sa giingong sistema sa “kickback” o ilegal nga komisyon nga mokabat sa P7.44 bilyones, nga konektado sa mga proyekto sa pagkontrol sa baha ug uban pang mga proyekto sa gobyerno.
Ang pagdungog alang sa iyang petisyon sa piyansa gikatakdang magsugod sa Oktubre 12; gilauman nga mopresentar ang prosekusyon og mga ebidensya mahitungod sa kalig-on sa kaso nga gipasaka batok sa kanhi House Speaker.
Samtang, ang pagdungog alang sa piyansa gikatakdang molungtad hangtod sa Nobyembre 12, diin ang prosekusyon gilaumang mopresentar og mga 23 ka saksi, samtang ang depensa mopresentar og tulo ngadto sa upat.
Ang nag-unang husay sa kaso gikatakdang magsugod sa Nobyembre 23. Ang prosekusyon mopresentar og 73 ka saksi, samtang ang depensa gilaumang mopresentar og mga 40.
Niadtong Septiyembre 16, mideklarar si Romualdez nga “not guilty” o dili sad-an sa kasong plunder atubangan sa Sandiganbayan.
