Giikyas sa usa ka 55-anyos nga lalaki ang 22-anyos nga fiancée sa iyang kaugalingong anak nga menor de edad, dala ang tanang tinigom ug alahas sa ilang pamilya.
Giila ang lalaki nga si Shakeel, amahan sa unom ug apohan sa tulo, nga giingong milayas sa Delhi aron pakaslan si Ayesha (dili tinuod nga ngalan), ang pangasaw-onon nga ihan-ay unta alang sa iyang 17-anyos nga anak nga si Aman (dili usab tinuod nga ngalan).
Matod sa iyang asawa nga si Shabbana, si Shakeel mismo ang miinsister nga magpakasal sila si Aman ug Ayesha, bisan pa sa ilang pagsupak tungod sa kabatan-on sa ilang anak ug kakuwang sa kuwarta.
Apan sa wala damha nga mga panghitabo, si Shakeel mitawag gikan sa Delhi aron isulti sa iyang pamilya nga siya mismo ang mainyo kang Ayesha.
Miingon usab si Shabbana nga kanunay nga gibisita ni Shakeel si Ayesha sa ngalan sa pagpangandam sa kasal, apan dugay na siyang nagduda nga adunay relasyon sa duha.
Sa dihang gisultihan niya ang iyang bana bahin niini, daw sulto siya, ug usahay gikulata pa.
Dili kini ang unang higayon nga nahitabo ang maong insidente sa India. Pipila lang ka buwan ang nakalabay, usa usab ka lalaki ang gikataho nga nangulitawo ug naminyo sa inahan sa iyang pangasaw-onon, siyam ka adlaw sa wala pa ang ilang gikatakdang kasal.
