Apektado sa African Swine Fever (ASF) ang anaa sa 56 ka mga barangay sa mga nagkadaiyang lungsod sa lalawigan sa Bohol sumala sa Office of the Provincial Veterinarian (OPV) niini.
Ang OPV operations officer Romulo Garcia mitaho nga sa mga apektadong mga barangay kay anaay 12 ka mga nagpositibo sa ASF.
Ang pagsuta sa maong sakit kay gipaagi sa laboratory test nga Polymerase Chain Reaction (PCR) nga maoy maka-detect sa presensya sa ASF virus sa mga samples.
Apektado ang mga dapit sa 2nd district municipalities sa lalawigan nga mao ang 11 ka barangay sa lungsod sa Getafe; 6 sa lungsod sa Buenavista; 1 sa lungsod sa Dagohoy; 5 sa lungsod sa Talibon, 4 sa lungsod sa Trinidad; 9 sa lungsod sa Ubay; 3 sa lungsod sa Bien Unido; 1 sa lungsod sa Inabanga; ug 2 sa Sagbayan.
Samtang sa 1st district municipalities kay apektado ang mga barangay sa lungos sa Catigbian, Tubigon, Sikatuna, Balilihan, Alberquerque, Calape, ug Dauis.
Ingon man ang nagpabiling ASF-free ang 3rd district sa lalawigan sumala gihapon sa report sa Bohol OPV.
