Na-neutralized ang unom ka mga komunistang teroristang grupo o CTG sa mga sundalo sa sunud-sunod nga engkwentro sa Barangay Nagoocan, Catubig, Northern Samar karong semanaha.
Diin 4 sa mga gikatahong sakop sa NPA ang namatay samtang duha ang mi-surrender sa 8th Infantry Division sa Philippine Army sa nahitabong engkwentro niadtong Hunyo 3.
Nasakmit usab sa mga tropa ang pito ka lain-laing high powered firearms ug nahabiling mga butang gikan sa mga rebeldeng grupo.
Sa pakighinabi sa Bombo Newsteam kang LT. Col. Israel Galorio, ang tigpamaba sa AFP VISCOM, gibanabanang 30 ka armadong miyembro sa Regional Guerrilla Unit ug Sub-Regional Committee Arctic, parehong ubos sa Eastern Visayas Regional Party Committee (EVRPC), nakig-engkwentro sa mga personahe sa militar sa kabukiran.
Nahitabo ang sunud-sunod nga engkwentro samtang ang mga personahe sa militar mitubag sa mga taho sa mga extortion activies sa mga rebeldeng grupo.
Subay niini, wala mipagawas og dugang detalye ang military sa mga identidad sa mga napatay ug dinakpan, tungod mao kini ang gusto sa mga kabanay, ingon man nga nagpadayon usab ang kampanya militar batok sa mga komunistang teroristang grupo. | Bombo Rexmond Omega
