Gipahibalo ni Senate President Pro Tempore Panfilo Lacson nga pito ka senador ang mipirma sa partial committee report sa Senate Blue Ribbon Committee bahin sa giingong mga anomaliya sa mga flood control projects.
Sumala ni Lacson, kinsa mao usab ang chairman sa komite, ang pinakabag-o nga mipirma mao si Sen. Raffy Tulfo ug lakip sa mga mipirma sa report mao sila si senador Erwin Tulfo (vice chair sa komite), Risa Hontiveros, Paolo “Bam” Aquino IV, Francis “Kiko” Pangilinan, Raffy Tulfo, Senate President Vicente “Tito” Sotto III, ug si Lacson mismo.
Bisan pa, si Lacson miingon nga kini kulang pa sa gikinahanglan nga siyam ka pirma sa committee report nga ilakip sa plenaryo aron sa diskusyon ug aksyon, subay sa mga lagda sa Senado.
Sa iyang privilege speech, gipasalig ni Lacson nga ang report hapit na tulo ka bulan nga naghulat ug gipasiugda nga ang mga sulod niini dili bag-o ug napamatud-an na.
Dugang niini nga ang matag miyembro gihatagan og igong panahon sa pagrepaso sa kapin sa 400 ka pahina nga report ug pagsugyot og mga pagbag-o kung gikinahanglan.
