Kumpirmadong 7 ka tawo ang namatay ug siyam ang nawala pa human sa usa ka dakong pagbuto ug sunog nga miulbo sa Amur Gas Chemical Complex sa rehiyon sa Russian Far East.
Basi sa inisyal nga mga report nga ang insidente nahitabo atol sa mga operasyon sa pagsugod sa dakong pasilidad. Diin kapin sa 150 ka mga trabahante ang nasamdan usab sa insidente.
Ang Amur Gas Chemical Complex usa ka dako nga hiniusa nga proyekto sa petrochemicals tali sa Russia ug China nga karon gitukod sa rehiyon aron mapalambo ang produksiyon sa kemikal ug enerhiya.
Ang mga awtoridad karon nagpahigayon og halapad nga mga operasyon sa pagpangita ug pagluwas sa lugar aron makit-an ang nawala nga mga trabahante, samtang usa ka hingpit nga imbestigasyon ang gilunsad aron mahibal-an ang eksaktong tinubdan ug hinungdan sa pagbuto.
