702 ka mga tabay ang gitan-aw isip posibleng tinubdan sa tubig dinhi alang sa dugay nga uga nga kondisyon nga may kalabutan sa El Niño, kini aron pagpangandam sa posibleng epekto niini.
Giawhag sa Konseho sa Siyudad ang kagamhanan nga mangita og alternatibo ug dugang nga mga tinubdan sa tubig, lakip ang posible nga pagpabuhi sa pagpalambo sa tubig sa ilalom sa yuta sa walo ka mga propiedad sa eskwelahan nga gipanag-iya sa siyudad uban sa koordinasyon sa Department of Education (DepEd) Cebu City Division ug sa Metropolitan Cebu Water District (MCWD).
Kini aron pagpangandam alang sa posibleng pagkusog sa El Niño ug ang resulta nga presyur sa suplay sa tubig, diin ang konseho nagdeklarar usab sa Siyudad sa Sugbo nga anaa state of preparedness.
Kini nga lakang sa konseho nagsunod sa usa ka summit sa pagpangandam sa El Niño niadtong Septyembre 8 diin ang mga opisyal sa siyudad naghisgot sa kasamtangan ug potensyal nga mga tinubdan sa tubig, lakip ang mga artesian wells, tabay, ug rainwater harvesting.
Kahinumdoman nga ang konseho mipasar og resolusyon niadtong Agosto 4 nga naghangyo sa DepEd Cebu City ug MCWD nga ikonsiderar ang pagpabuhi sa usa ka gisugyot nga proyekto sa pagpalambo sa tubig sa ilalom sa yuta sulod sa walo ka mga propiedad sa eskwelahan nga gipanag-iya sa siyudad.
Ang resolusyon naghangyo usab sa gobyerno sa siyudad, DepEd, ug MCWD nga susihon ang usa ka posible nga tripartite agreement alang sa proyekto.
Samtang gibutyag ni Kenneth Siasar, nga padayun gihapon ang pagpakig susi sa task force El Niño sa mga tabay nga functional aron maoy kuhaan sa suplay sa tubig.
Apan, ang bisan unsang pagpalambo sa tubig sa yuta magpabilin nga ubos sa teknikal, legal, ug administratibong pagpakigsusi, ingon man sa kasamtangang mga balaod, lagda, ug regulasyon.
