Cebu City-Gipasabot ni Lapulapu City Mayor Paz Radaza nga dili pagpataas sa pletehan sa mga tricycle ang gi patuman karon sa dakbayan sa Lapulapu.
Apan kini ang pagbalik lamang sa orihinal nga pletehan diin daan na kining naa sa 8 pesos ug gihangyo lamang sa Mayor nga himuong 7 pesos isip regular nga plete.
Ang gihimo matud pa karon mao ang pagbalik lamang sa karaang singil gumikan kay nagmahal naman usab ang mga palaiton hilabi na ang presyo sa gasolina.
Hinuon gibutyag ni Radaza nga sa 4 mil ka mga tricycle nga nagbyahe sa dakbayan sa Lapulapu, 500 pa lang niini ang nahatagan ug taripa.
Base sa fare matrix 2018, ang regular fare amo ang 8 pesos samtang ang discounted kon alang sa mga PWD, senior citizens ug sa mga tinun-an, 7 pesos ang plete.
Mudugang usab ang plete sa dependi sa ruta sa tricycle. Nangayo usab ug pagsabot sa mga commuters ang mayor.
