Napalgan na ang patayng lawas sa 82-anyos nga lalaki human nga gituhoang gi-anod sa baha sa Brgy. Ginabucan, Catmon, niadtong adlawng Sabado, Hulyo 5, 2025.
Nakuha sa sapa pasado alas 9:00 sa buntag nga nga nag-lutaw lutaw ang patayng lawas ni Diosdado Butaslac, 82-anyos, ug residente sa Sitio Sagay, Brgy. Ginabucan, ning lungsod sa Catmon.
Gi-ingung nagpahigayun ang mga sakop sa MDRRMO sa Catmon ug search and retrieval operation sa kadagatan sa Lungsod sa Sogod ug Carmen, apan pasado alas 8:00 sa buntag nanawag ang Kapitan sa Brgy. Ginabucan, ug mibutyag nga nakaplagan na ang patay’ng lawas didto ubos sa panimalay sa biktima.
Dali nga mitungas sa bukid ang rescuers aron sa pagkuha sa patayng lawas aron mapahimutang kini sa mabalsamar.
Mipaabut sa usab ug pahasubo si Mayor Avis Monleon, ngadto sa pamilyang Butaslac ug nanghinaot nga dili na mausab ang nahitabo sa maong barangay nga mikalas na og 3-ka kinabuhi nga gikatahong naanod sa tubig baha.
Nagpasalamat usab kini ngadto sa mga rescuers sa mga sakop sa MDRRMO sa Catmon ug Coast Guard nga maoy nangunay usab sa pagpangita sa maong patay’ng lawas. | Bombo Nathaniel Sandoval
