CEBU CITY – Sa gipahigayon nga operasyon sa National Bureau of Investigation (NBI) 7 kauban ang Provincial Women’s Commission, naluwas sa kamot sa mga langyaw ang 7 ka mga babaye nga giingong na recruit sa usa ka Maribeth Bontog arun nga mahimong escort ug sex partners sa mga lalaki nga Koreano nga mubisita dinhi sa Sugbo.
Gibutyag ni NBI Agent Arnel Pura nga niadtong nakalabay nga buwan nakadawat sila og operasyon may kalabot na sa usa ka Korean syndicate nga nag-operate sa Cebu nga nag-awhag og sex tourism tourism package sa Korea alang sa mga gusto nga mubisita dinhi sa Sugbo.
Ang nahisgutang sindikato ang giingong magpadala og mga hulagway sa mga babaye nga mamahimong pili-an sa mga lalaki nga Koreans nga ilahang mamahimong escort ug sex partners samtang nagbakasyon dinhi sa nasud.
Dugang pa niini nga ang transaksyon ang ipahigayon pinaagi sa pag-enroll sa usa ka website nga exclusive lang sa mga Koreano nga lalaki.
Sigon pa ni Pura nga pag-abot sa mga Koreano sa Mactan Cebu International Airport, sugaton kini sila og duha ka Korean guides nga naila lang sa ngalan nga Andy ug Kim ug dalhon kini sa usa ka beachside hotel sa dakbayan sa Lapu-lapu.
Ang nahisgutang hotel ang exclusive lang sa mga Koreans.
Giangkon usab sa mga naluwas nga mga babaye nga gibayaran sila og 2mil ka pesos matag adlaw sa ilahang pag-uban ug pakighilawas sa mga Koreano.
Samtang padayon pa usab nga gipangita sa mga otoridad ang gitudlo nga mibugaw sa mga babaye nga si Bontog ug ang tulo pa ka mga Korean nationals nga giingong mga sindikato dinhi sa Sugbo.
Nakig-alayon na usab sa Consulate Office of Korea ug Bureau of Immigration ang NBI alang sa mamahimong custody sa mga nasikop nga langyaw.
Pasakaan usab og kasong paglapas sa Republic Act 10364 o Use of Traffic Women or Person ubos sa Expanded Human Trafficking Act ang mga nasikop nga Korean nationals.
