Labing menos siyam (9) ka tawo ang namatay ug 13 pa ang nasamdan human ang usa ka 13-anyos nga estudyante mihimo og pagpamusil sa probinsya sa Kahramanmaras sa habagatang Turkey.
Sumala sa imbestigasyon, ang suspek nga estudyante sa Grade 8 misulod sa eskwelahan nga nagdala og pusil nga gituohang iya sa iyang amahan, usa ka kanhing opisyal sa pulis, ug misulod dayon siya sa duha ka classroom ug namusil.
Ang suspek giingong nagdala og lima ka pusil ug pito ka magasin, kinsa namatay sa ulahing taho, apan dili pa klaro kung nagkutllo ba kining sa kaugalingong kinabuhi.
Sumala sa mga awtoridad, upat sa mga nasamdan ang anaa karon sa kritikal nga kondisyon, samtang unom ang naa sa intensive care unit, ug ang uban sa mga estudyante giingong miambak gikan sa bintana sa lawak aron makaikyas sa pagpamusil sa estudyante.
Gi-report usab sa mga awtoridad nga ang amahan sa suspek nadakpan samtang nagpadayon ang imbestigasyon sa insidente.
Subay niini, si Presidente Recep Tayyip Erdogan sa Turkey nagpahayag sa iyang pahasubo ug miingon nga bisan kinsa nga mapamatud-ang responsable sa trahedya nga insidente manubag.
