9 patay sa ‘walkie-talkie’ nga pagbuto sa Lebanon

Anaa na sa siyam ka mga tawo ang namatay human sa pagbuto sa mga handheld radio o ‘walkie-talkie’ sa lain-laing bahin sa Lebanon.

Diin gikatahong labing menos 300 ka tawo ang samdan sa Dahiya, Beirut diin nagpuyo ang daghang mga Hezbollah fighters.

Ang maong insidente nahitabo usa ka adlaw human sa pagbuto sa mga pager nga mipatay sa dul-an 20 ka Hezbollah ug nakaangol sa dul-an 3,000 ka mga tawo./

Tungod niini, gitambagan sa gobyerno sa Lebanon ang mga lungsuranon nga likayan ang paggamit sa mga gadget sa komunikasyon nga mahimong target sa Israel.

Nagduda ang Lebanon nga si Mossad, ang ahensya sa espiya sa Israel, ang nagpaluyo sa maong insidente.