CEBU CITY-Wala naka-apekto ang transport strike sa Cebu bisan paman og giingong 80 % ang na-paralyzed nga transportasyon tungod kay usa raman ka grupo ang nagprotesta sa pagsupak sa Public Utility Jeepney o PUJ Phase Out. Kini gumikan kay ang ubang grupo gi-agi lang sa hapsay nga paagi ang ilang petisyon.
Gisugdan sa Pinagkaisang Samahan ng mga Tsuper at Operator Nationwide (Piston) ang bugtong grupo nga nagprotesta ang rally pasado alas 5 kaganihang buntag ug nahuman ra kini pasado alas 4 karong hapon. Kini sukwahi sa ilang unang plano nga mahuman kini sa alas 7 sa gabii gumikan na usab kay napasabot ra kini sila LTFRB Regional Office-7 Regional Director nga si Ahmed Cuizon.
Matud ni Cuizon nga ipadala niya sa Manila ang mga sentimento sa mga nahisgutang drivers. Giinon usab ni Cuizon nga nagkastorya na usab sila sa mga drivers kung diin gipasabot niini nga dili man ingon nga sa kinatibuk-an supak gyud sila sa phase out apan ang bugtong hangyo lang nila mao nga himoong hinay ang proseso para matagaan sila og panahon nga mapangandaman kini.
Samtang gi-agi lang sa pagsumiter og petition sa LTFRB office ang gihimo sa laing transport group sama sa CITRASCO,NCTU,Alyansa sa nagkahiusang driver and Operators Nationwide, Basak Lapu-Lapu Jeepney Operators and Driver Association ug wala na kini miapil pa sa rally.
