CEBU CITY – Usa ka welcome development alang kang Daanbantayan Mayor Vicente Loot ang pagbutyag ni Presidente Rodrigo Duterte nga walay direkta nga ebidensya arun nga mapasakaan og kaso ang mayor may kalabot na sa iligal nga drogas.//
Gibutyag ni Mayor Loot nga nagpamatuod lang kini nga walay basihan ang mga alegasyon batok kaniya ug giingong publication lang ang tanan.//
Matud pa nga tataw nga black propaganda lang ang tanan sa paglambigit sa iyahang ngalan sa iligal nga drogas.//
Giklaro usab niini nga wala makaapekto sa lungsod sa Daanbantayan ang mao niya nga isyu gumikan kay nasayod na ang mga tawo kung unsa ug si kinsa siya.//
Subay niini, iyahang gipasalamatan si Presidente Duterte sa giluwatan niini nga pamahayag.//
Samtang gilauman ni Loot nga hingpit nang mugawas ang kamatuoran apan dili na siya mulaum pa nga bakwi-on sa Presidente ang gipadayag niini nga usa siya sa nalambigit sa iligal nga drogas.//
Hinuon, alang kaniya igo na nga mipadayag ang presidente nga walay ebidensya nga magpamatuod nga siya adunay kalambigitan sa iligal nga drogas arun nga malimpyohang ang iyahang ngalan.//
