CEBU CITY – Gisugdan karung adlawa ang 3rd Regional Selection Camp Jr. NBA sa Don Bosco Technology Center.
Ang nahisgutang Regional Selection Camp ang pangulohan ni NBA coach Chris Sumner ug PBA legend Jeffrey Cariaso kung diin usa sa aktibidad karun ang vitals test ug skills challenges sa mga aspirant young basketball players.
Gikatakda usab nila nga i-anunsyo kung si kinsa ang nag-una nga mga players nga mubalik ugmang adlawa alang sa Team Drills, Team Challenges ug Final Scrimmages.
Samtang ugmang adlawa usab i-anunsyo ang mga finalist usab nga mag-advance sa National Training Camp sa Manila karung umaabot May 13 ug 14.
Ang mga makuha nga players ang makaangkon og tsansa nga makauban sa National Training Camp kauban ang mga NBA ug Women’s National Basketball Association (WNBA) player.
Nasayran nga walo ka players ang kuha-on alang sa Junior NBA ug lima alang sa WNBA players kung diin mahatagan kini sila og NBA experience trip kauban ang uban pang Junior NBA players nga gikan usab sa Southeast Asia.
Ang Junior NBA o WNBA, usa ka international youth development program sa inila nga NBA nga katuyoan nga mapalambo pa ang basketball participation, sportsmanship, teamwork, ug aktibong lifestyle sa mga kabatan-onan.
Ang nahisgutang basketball program ang libre ug abli alang sa mga kababayen-an o kalalakin-an nga adunay edad 10 ngadto sa 14 anyos.
Ang mga inila nga Cebuano cager nga produkto sa Junior NBA mao sila si Mark Tallo, Kib Montalbo ug Rendell Senining.
Samtang, ang mga nakuha sa nakalabay nga tuig mao sila si Fritz Felix Valencia ug Harold Alarcon.
