Cebu City-Padayon pang gipangita karon sa Compostela Pnp ang lima ka mga piniriso nga nakaikyas ganihang buntag sa Compostela Municipal Jail sa probinsya sa Cebu.
Sa pakighinabi sa Bombo Radyo ngadto ni SPO2 Oliver Rondina sa Compostela PNP, ang mga nakaikyas mao sila si Giovanni Tabayan, 40 anyos, Joel Cuyos 33 anyos, Joseph Mahinay 33 anyos, Ruben Catipay 19 ug Nelson Agbay 28 anyos ug residente sa maong lungsod.
Matud ni Rondina nga didto miagi sa gamay nga bintana ang lima diin ilang gigabas ang rehas sa luyo sa maong presuhan. Wala matud pa nakamatikud ang uban nilang kaubanan tungud kay nahinanok kini sila sa ilang pagtulog. Dako usab ang pagtuo ni Rondina nga adunay nagpalusot ug hait nga hinagiban nga maoy gigamit sa tulo sa paggabas sa rehas.
Samtang usab nakamatikod ang duty jailer ingon man desk officer nga si SPO2 Michael Mirolinya sanglit wala man kini nadunggan nga saba. Nasayran nalang niya nga nakaikayas na ang lima sa dihang nagpahigayon kini og head copunt sa mga piniriso una kini niya e turn over sa sunud nga duty officer.
Sa pagkakaron nakig alayon na ang hepe sa Compostela PNP ngadto sa kabanay sa 5 ka mga pugante aron nga masikop ug mabalik sila sa presuhan.
Nasayran nga adunay 38 ka mga piniriso ang na detain sa Compostela PNP diin matud pa nga huot na kaayo ang maong selda alang kanila.
