UPDATE
Cebu City-Gipasiguro ni Governor Edgar Chatto sa probinsya sa Bohol nga safe ug secured ang mga binisita nga muanha sa ilahang lugar. Kini may kalabot na sa gipagawas nga travel advisory sa U.S Embassy alang sa mga citizens ni ini nga ania karon sa nasud sa matud pa kidnapping threat sa mga teroristang grupo.
Matud ni Chatto nga ang iyang higala mismo nga si American Chamber of Commerce Executive Director David Ebb Hinchliffe maoy nihatag kaniya sa kopya sa advisory. Gipasalig naman sa gobernador ang mga Amerikanong magpapatigayon nga naka alerto ang kapulisan ingon man usab ang tanang sector sa lokalidad sa Bohol aron sa pag monitor sa segruidad .
Gibutyag usab ni Chatto aduna sila’y close coordination ngadto ni PRO7 Director Police Chief Supt. Noli Taliño alang sa mga kamandua-an ni ini kalabot sa advisory nga gipagawas sa U.S Embassy.Nakig-alayon na usab ang gobernador ngadto na sa AFP nga na assign sa Bohol subay sa maong impormasyon. Gihimug-atan ni Chatto nga sa pagkakaron walay angayang ikala-alarma ug kahadlukan ang mga lumulupyo ug mga turista nga ana sa Bohol gumikan kay full force karon ang otoridad sa pag bantay sa seguridad sa ilang lugar.
Giawhag usab ni Chatto ang mga Bol-anon nga magtinabangay, mag pabiling alerto ug vigilante aron sa pag report sa mga kadudahang tawo nga ilang makit-an sa ilang lokalidad. Gibutyag usab sa gobernador nga 40 porsyento sa mga turista nga magbisita sa Bohol mao ang mga langyaw samtang 60 porsyento ni ini mao ang mga lokal kon domestic tourist.
