CEBU PROVINCE – Siyam na ka tawo ang patay human ang pagkuso-kuso sa bagyong Crising sa Northern Cebu ug pipila ka bahin sa Metro Cebu.
Kusog nga pag-uwan ang hinungdan sa pagbaha ug ang nakamugna og pagkaguba sa mga kabalayan, pagkalunod ug pagkakuryente sa mga namatay.
Kini ang pamahayag ni Rodger Suico, ang head sa Disaster Risk Reduction Management Office sa lungsod sa Carmen.
Kadaghanan sa mga namatay ang gikan sa lungsod sa Carmen nga mikabat kini og walo diin pito niini ang nalunod.
Ang mga biktima ang giila nga sila si Rowena Asencion,38 anyos ug duha ka anak na sila si Jade 13 anyos, Ivan 10 years old , si Asina Lating 51 anyos ug apo na si Vince Ian 2 anyos.
Lakip usab si Yanina Isabel Hermocilla, 6 anyos ug usa pa ka wala mailhi nga bikitma.
Patay usab si Nicolas Punggatan, 60 anyos sa dihang makuryente kini human nga matumba ang usa ka poste sa kuryente.
Samtang sa dakbayan sa Danao, usa usab ang patay ug giila kini nga si Beniang Manulat.
Subay sa epekto sa bagyo, liboan ka pamilya ang gipabakwit ug 73 ka mga panimalay ang na washed out.
Dugang pa ni Suico nga karung adlawa adunay aktibidad ang local government sa Carmen ug DPWH arun nga lantawon ang mga landslide prone areas sa nahisgutang lungsod.
Samtang, gibaha usab ang pipila ka bahin sa Metro Cebu sama na lang sa Cebu City, Mandaue City ug Talisay City.
Sa pagkakarun, gisuta pa sa Provincial Disaster Risk Reduction and Management Office ang kinatibuk-ang danyos sa imprastruktura ug agrikultura sa pagkuso-kuso sa bagyong Crising.
