Lalake nga miambak sa Mandaue-Mactan bridge nga iuban unta ang 4 anyos nga sinagop tiggamitan ug iligal nga drogas

CEBU CITY-Daw sa wala sa kaugalingon ang lalaki nga miambak sa Mandaue -Mactan bridge kagahapon sa kadlawon.Si Jayson Quizon 44 anyos taga Sitio Utlanan Brgy. Umapad dakbayan sa Mandaue ang nakamugna ug tensyon sa mga motorista human nga mikatkat sa harang sa nahisgutang bridge gukos ang iyang upat ka tuig nga sinagop aron unta moambak.Matud ni PO3 Rey Patigdas ang desk officer ng Opao Police station nga napugngan sa mga motorista ang lalaki ug naagaw ang bata apan miambak gihapon ang lalake.Na rescue ang lalake sa mga pulis nga mi responde sa nahisgutang insidente.Sa pakighinabi sa Bombo Radyo gibutyag sa suspek nga iyang nahimo ang pag-ambak kauban unta ang bata gumikan kay naay matud pa naggukod kanila ug buot siya nga patyon.Gumikan kay gamay nalang ang gasolina niini nahunahunaan na lamang niini nga moambak.Giangkon niini nga dugay siya nga tiggamitan ug iligal nga drogas ug mihunong kini sa dihang gipahigayon ang Oplan Tokhang sa kapulisan. Ang suspek ang matud pa kanhi kusinero ug kanhi stiker sa Regional Operations group.Samtang anaa na sa kustodiya sa ka live-in partner sa suspek ang 4 anyos nga bata. Gitanggong karon sa Opao Police Station ang suspek ug gipaabot ang pamilya niini kung mopasaka ba ug kaso kaniya.