CEBU CITY-Moabot sa 1.7 milyon pesos ang drogas nga nasakmit sa Philippine Drug Enforcement Agency 7 sa tulo ka managlahing operasyon niini sugod niadtong adlaw lunes ug martes.Miresulta kini sa pagkasikop sa ilang gihulagway nga mga High value target.Matud ni PDEA 7 director Yogi Filemon Ruiz nga ang mga nadakpan nga high value target mao sila si Eduardo Hermoheno nga nadakpan sa brgy. Santa Cruz , Nelson Orillo ug Jade Polbos sa San Marina Village Barangay Talamban ning dakbayan sa sugbo.Nadakpan usab ang laing 8 ka tawo diin ang uban niini ang giingong naaktuhan pa nga migamit ug iligal nga drogas lakip na ang usa ka doktor.
Si Dr.Jhon Paul Camello 37 anyos lumad nga taga Bohol ug anaa na dinhi magtrabahi sa sugbo sa iyang propesyon ang nadakpan human makit-an kini sulod sa panimalay ni Eduardo Hermoheno nag nagsilbi usab nga drug den.Gihimakak sa doktor nga nalambigit siya sa pagbaligya ug paggamit ug iligal nga drogas.
Matud sa doktor nga gibisita lamang niini ang iyang pasyente.Apan migawas sa gipahigayong drug test nga nagpositibo sa paggamit ug iligal nga drogas ang doktor.Hinuon matud ni director Ruiz nga wala pa silay nakita nga partisipasyon sa maong doktor sa pagpamaligya ug iligal nga drogas.
Kasong may kalambigitan sa pagbaligya ug paggamit ug iligal nga drogas samtang atubangon sa doktor ang kasong may kalambigitan sa pagbisita ug usa ka drug den.
