Cebu City-Temporaryo na usab nga gihunong sa retrieval operations team karong adlawa ang pagpangita sa lawas ni Bien Unido Bohol Mayor Gisela Boniel sa kadagatan nga napatung-an sa isla sa Caubian ug Olanggo sa dakbayan sa Lapulapu. Kini human nga mipagawas og assesment ang Philippine Navy nga dili na makaya sa mga technical divers ang kalawmon sa dagat diin muabot na kini sa 270 metros o kapin 700 feet.
Matud ni Lt. Mark Colina sa Philippine Navy nga gikinahanglan nga mu request sila sa ilang head quarters og water robots ug side scan sonar nga maoy gamiton sa pagsusi kon naa ba gayud sa ilawom sa dagat ang lawas sa Mayor. Muhimo usab og plano ang hiniusang pwersa sa mga otoridad alang sa epektibo nga retrieval operations. Planuhan pa usab kung kanus-a mo-resume ang retrieval operations.
Samtang, gipa alerto na ang usab ang mga silingangang isla sa rehiyon 7 , ingon man ang mga mangingisda nga posibleng makakita sa lawas ni Mayor Gisela. Matud ni Lapulapu City Police Office Director Police Sr. Supt. Romel Cabagnot nga dali ra mailhan ang lawas sa mayor sanglit wala na kini gisul-ob nga sinina.
Nasayran nga gibutangan pa og bato ang pukot nga maoy giputos sa lawas sa ni Mayor Gisela una kini gilabay sa dagat aron masiguro nga dili kini mulutaw.
