CEBU CITY-Gi-angkon sa abogado ni Board Member Nino Rey Boniel nga si Atty. Gerry Carillo nga midool sila sa Commision on Human Rights (CHR-7).Apan gitatatw niini nga wala sila nagpatabang kalabot sa kaso ni Boniel kundi kini tungod sa paghingusog sa katungod ni BM Boniel nga makadool o maka-istorya sa iyang pamilya.
Kini human nga na-obserbaran sa legal team sa campo ni boniel nga wala kini tuguti sa mga pulis nga makadool sa iyang pamilya sa dihang mibisita kini kaniya.
Gihimug-atan ni Carillo nga ubos sa Republic Act 7438, nakalatid niini nga bisan na-aresto na ang usa ka taob adunay gihapon kini katungod nga makadool sa iyang pamilya ug naa gihapon kini access sa iyang abogado o doktor.
Matud pa Carillo nga dili tungod nga napriso na si BM Boniel hikawan na kini sa iyang katungod ilabina sa pakighinabi sa iyang pamilya.
Subay niini giingong gipangandaman na sa campo ni Boniel ang mga charges nga ipasaka sa CHR o ngadto sa Office of the Ombudsman.
Sa karon giingong nagtigom pa sila og mga ebidensya para sa kaso nga ilang isang-at.
