CEBU CITY-6,234 ka mga underwear ang gihatag nga donasyon ngadto sa Central Command (Centcom) gikan sa usa ka Filipino-chinese business group pina-agi sa usa ka International Charity para sa mga sundalo nga kasamtangang nakig-away sa mga local terrorist nga Maute Group sa Marawi City.
Matud sa lider sa maong charity nga si Michael Cordinate Que nga gawas sa usa kini ka basic needs sa tao, nagpakita usab kini sa ilang ilang suporta para sa sundalo nga nag-antos tungod sa pakigbakbakan.
Matud pa niini nga dili sayon ang sakripisyo nga gihimo sa mga sundalo ilabina nga gisugal niini ang ilang kinabuhi bisan paman kadaghanan kanila adunay pamilya.
Dugang pa niini, gi-ampo nalang usab nila nga mahuman na ang kagubot na nahitabo saa Marawi City hasta na usab sa tibook Pilipinas.
Nagpasalamat usab ang CentCom sa ilang nadawat ug sigon ni Centcom Commander Lt. Gen. Oscar Lactao nga gikalipay nila ang susamang lakang tungod kay nagpakita kini sa paghigugma sa mga citizen sa mga sundalo sa nasud.
Matud niya nga siguradong matandog ang mga kasingkasong sa mga sundalo didto sa Marawi tungod kay nagpakita kini nga daghang citizen ang misuporta kanila ilabina kay daghan na ang sundalo nga namatay mugna sa bakbakan didto.
Giingong makapalig-on usab kini sa ilang troopa aron nga mahimo ang ilang trabaho isip tig proteher sa nasud nga Pilipinas.
Gisiguro ni Lactao nga maka-abot ang mga nahisgutang underwear sa Marawi City sa labing dali nga panahon.
