Cebu City-Pakyas ang mga kapulisan nga makita ang negosyante nga si Peter Lim sa ilang paghatud mismo sa balay niini sa subpoena gikan sa Department of Justice (DOJ).
Kaganihang hapon gihatud mismo sa mga taga CIDG-7 ang subpoena ni Lim sa pinuy-anan niini sa Tres Borces Extension Brgy. Kasambagan Cebu City apan ang guard lang nga giilang si Antonio Rosellosa ang nag received sa subpoena. Nagpakahilom lang ang maong gwardiya ug wala kini gihatag nga impormasyon kung naa pa ba sa Cebu si Lim tungod kay matup niini bago pa lang siya ug 3 ka-adlaw pa lang siya nga nakaduty sa balay ni Lim ug bisan kausa wala kininiya makita.
Nakalatid sa maong subpoena nga kinahanglang makareport si Lim sa buhatan sa Department of justice sa Metro Manila sa umaabot nga Augusto 14 at 17 sa alas 10 sa buntag kalabot sa himoong preliminary investigation sa DOJ sa giingong pagkalambigit ni Lim sa transakyon sa illegal nga drogas sa nasud.
Nakabutang usab didto ang pahimangno nga kung dili mutunga si Lim sa nahisgutangimbitasyon, ikonsiderar na nila nga isumiter na ang kaso para matagaan na og resolusyon. Una niini, gipaubos na sa look out bulletin sa Bureau of Immigration ang negosyante nga si Peter Lim ug lain pang mga personalidad nga una na nga ginganlan ni Presidente Rodrigo Duterte nga na involved sa illegal nga drogas.
Gawas kay Peter Lim lakip sa naasoyng subpeona si Kerwin Espinosa.
