CEBU CITY-Nahimong atraksyon sa mga nanan-aw ang misalmot nga Person with Disability (PWD) ug mga artista sa Iron Man 70.3 Philippines nga gipahigayon sa Lapu-lapu City Cebu.
Lakip sa mga gikagubtan sa mga nanan-aw ang pag-abot nila ni Piolo Pascual, Gerald Anderson, Jake Cuenca,Matteo Guidicelli ug si Kim Chiu. Kaadlawon palang nag-atang na ang mga mutan-aw para makita ang ilang mga idol.
Duha ka person with disability usab ang nakakuha sa atensyon sa kadaghanan kung diin nasigpatan ang usa ka participant nga walay tiil nga misalmot sa biking gamit ang ang iyang kamot pagpedal sa iyang improvised nga biseklita. Samtang, nakit-an usa ka person with amputee ang misalmot sa Marathon nga nakacrutches.
Nagsilbi nga inspirasyon ang duha ka PWD sa mga nanan-aw tungod aa ilang kondisyon kaya gihapon nila nga makigsangka sa mga normal athletes.
Samtang gikalipay usab saMayor sa Lapu-Lapu City nga si Mayor Paz Radaza ang subling pagkapili ng iyang lugar para sa maong aktibidad. Matud niya nga mas dali kini karon tungod kay well coordinated ug ila kining gipangandaman.
Sigon usab sa Lapu-Lapu City Tourism Head nga si Hembler Mendoza nga nalipay usab siya tungod kay midagsa ang mga turista sa Cebu tungod sa maong event kung diin para kaniya makapalambo kini sa turismo.
Nasayran nga ika-6 na kini nga higayon nga gipahigayon ang Iron Man sa Lapu-Lapu City Cebu.
