Cebu City-Magpahigayon ug kaugalingong imbestigasyon ang Police Regional Office 7 sa pagkalambigit sa Cebuano nga negosyante nga si Kenneth Dong sa 6.4 billion nga kantidad sa shabu shipment nga nasakmit sa Bureau of Customs.
Matud PRO7 Director Police Chief Supt. Jose Mario Espino nga bisan ug wala silay nadawat nga direktiba gikan sa crame, magpahigayon sila ug back grpound investigation sa negosyante. Sayron matud pa sa kapulisan ang mga assets sa negosyante apil na ang mga negosyo niini.
Gikakurat naman ni Espino ang pagkalambigit na usab sa pangalan sa usa ka Cebuano nga negosyante gawas kang Peter Lim sa iligal nga drogas. Giangkon niini nga bag-o lamang niini nadungog ang ngalan ni Dong ug wala kini nadawat nga impormasyon kabahin sa kalambigitan niini sa iligal nga droga.
Samtang, andam naman ang Philippine Drug Enforcement Agency 7 nga mutabang sa imbestigasyon sa kapulisan sa negosyanteng si Dong. Matud ni PDEA-7 Director Yogi Felimon Ruiz nga sa wala pa kini ma assign sa region 7, daan na niyang nadungog ang pangalan ni Dong sanglit ilado man kini sa bussines community.
Gitino hinuon niini nga sama sa PRO7 wala usab silay na monitor nga kalambigitan niini sa illegal nga drogas. Matud pa nga ilado si Dong gumikan sa mga negosyo niini sama sa luxury club ug mga warehouses.
Matud pa nga adunay higayon nga gipaimbestigahan sa mga business community ang mga negosyo ni Dong gumikan sa irregularidad apan walay kalambigitan sa illegal drugs.
