CEBU CITY-Nakatakda nga e-deploy ang 50 ka mga pulis sa Police Regional Office (PRO-7) nga anaa karon sa Personnel Holding & Accounting Unit (PHAU) isip mga traffic enforcer.
Matud ni PCSUP Jose Mario Espino ang, regional Director sa PRO-7 nga mas maayo nga tagaan ug responsibilidad ang nahisgutang mga pulis tungod kay wala man kini gibuhat samatnag naghuwat og development sa ilang kaso apan nagdawat man gihapon sa ilang sweldo.
Dugang ni Espino nga kini aron na usab makita sa mga tao nga adunay dugang nga police visibility nga magman sa trapiko sa Cebu ilabina matag rush hour. Gitataw usab ni Espino nga dili magsupervise ang mga pulis sa mga traffic enforcers kundi sila mismo ang magman sa dagan sa trapiko.
Giingong nagrequest na usab ang PRO-7 sa City government para sa training nga pagahimoon para niini ayha pa sila e-deploy. Pagkahuman sa ilang training giingong ibutang kini sila sa mga intersections sa Cebu City kung diin sagad ang bugat ang dagan sa trapiko
Nasayran nga nabutang kining mga pulis sa PHAU tungod sa involvement niini sa iligal nga aktibidad.
