CEBU CITY-Gitambagan ni Landon Aydlett,usa ka meteorologist sa National Weather Services sa Estados Unidos ang mga taga Florida nga doblehon ang ilang pagpangandam ug dili mukuha og mga impormasyon kalabot sa lakat sa panahon sa dili credible sources.
Kini human sa Hurricane Irma nga nakatakda nga muigo sa Florida. Sa eksklusibo nga pakighinabi sa Bombo Radyo ni Aydlett nga iya pa nga na-istorya ang iyang pamilya nga naa sa Florida ug matud niini nga muadto na kini sila sa evacuation center pipila ka oras gikan karon subay na usab sa pahimangno sa Gobyerno nga kinhanglan na nila nga muhiklin.
Matud ni Landon nga dili pwede nga mukompyansa tungod kay ang Florida usa kini sa mga vulnerable nga area kung adunay hurricane hayan matud niya nga usa kini karon ka lisod nga sitwasyon. Tambag niya karon sa tanan nga magamalig-on lang ug siguruhon nga mukuha lang og mga weather updates sa mga reliable national weather service o dili gali sa PAGASA sa Pilipinas.
Gihimug-atan niya nga likayan ang mga fake news nga mikatap karon sa social media nga gitawag pa niya nga kritikal para sa survival sa mga tao. Sigon niya nga ang saktong edukasyon ra gyud og preparasyon ang bugtong paagi para malagpasan ang problema nga gi-atubang karon sa Florida.
