CEBU CITY-Hatagan ug 1 million pesos ni Cebu City Mayor Tomas Osmena ang Police Station 2 sa Cebu City Police Office isip pasidungog sa maayo nga performance nga gipakita sa maong estasyon sa kapulisan
Gidayeg ni Mayor Osmeña ang pag ka-agresibo sa mga kapulisan sa Police Station 2 sa ilang kampanya kontra iligal nga droga itandi sa uban pang mga estasyon sa kapulisan sa dakbayan.
Matud ni Osmeña nga unta tanang police station mapareha sa Police Station 2 nga agresibo sa pagpangsikop sa mga drug personalities sa ilang area of responsibility.
Nasayran nga ang maong kwarta nga ihatag sa mayor ang gamiton alang sa police operation ug pagpalit sa mga ekipo nga makatabang pa sa operasyon sa kapulisan.
Subay niini, gi-awhag usab ni Garry Lao, ang head sa Cebu City Office of Substance Abuse Prevention (COSAP) ang mga station commander sa 11 ka mga estasyon sa kapulisan sa dakbayan sa Sugbo nga ipadayon pa ang ilang subsub nga kampanya sa pakigbatuk sa iligal nga drogas.
