Cebu City– Nasakmit sa mga miembro sa Provincial Public Safety Company ug Civil Security Unit sa provincial government of Cebu ang mga nagkadaiyang kontrabando sulod sa mga selda sa Cebu Provincial Detention and rehabilitaion Center (CPDRC).
Gipahigayon ang kinalit nga grey hound inspection sa mga kapulisan ganihang sayo sa buntag sa mga selda sa mga drug personalities .Mukabat sa 79,000 pesos nga kantidad sa ginadiling drogas nga nasakmit sa mga operatiba sa selda Jennifer Perigrino ug Rosel Calida.
Gawas sa drogas nasakmit usab ang mga cellphone, charger, lighter, drug paraphernalia, timbangan ug uban pang mga ginadiling gamit sulod sa mga selda sa mga piniriso. Atol sa ,inspection, gipapanaog sa quadrangle ang mga piniriso ug gipahukas sa ilahang t-shirst aron masiguro nga wala silay gitaguan sa ilang lawas.
Matud ni Police Supt Mario Baquiran, ang hepe sa PPSC nga ang maong inspeksyon ang kabahin sa ilang pag monitor sa CPDRC ug sa kampanya batok sa mga iligal nga kalihukan sulod sa prisuhan. Human sa inspeksyon gisugyot sa PPSC sa tigdumala sa sa jail facility nga paduganagan pa ang cctv camera nga ipang install sa dapit lakip na ang pagpahugot sa seguridad sa mga mugawas sulod sa nga mga bisita.
Mag atubang naman ug dugang kaso ang mga piniriso nga nakuhaan ug mga iligal nga drogas ug paraphernalia.
