Panday nga excited muuli kay nakadaog og 9,000 pesos sa swertres, natabunan sa yuta sa nahitabong landslide, patay

CEBU CITY-Patay ang usa ka panday human nga natabunan sa yuta sa nahitabong landslide sa Sitio Back GMA, Brgy. Apas niining dakbayan sa Sugbo

Giila ang panday nga si Joel Booc Brobo, 41 anyos ug taga Tabugon Cebu.

Basi sa imbestigasyon nga ang biktima naa sulod sa bank house ug matud pa nga nag-andam na aron nga muuli sa dihang kalit nga midahili ang yuta sa buntod kilid sa bank house og natabunan ang panday pasado.

Miabot sa 2 ka oras ang pag-ugkat sa biktima ug gidali kini pagdala sa tambalanan.Gitabang pa kini sa mga doktor apan wala na gyud kini marevive.

Nasayran nga excited na nga maka-uli si BRobo sa Tabugon kay nakadaog man kini sa swertres og 9,000 pesos.

Gi-abaga hinoon sa tag-iya sa balay nga gitrabaho-an sa panday ang tanang gasto.